Instalohet një sistem i përparuar i informacionit për fluturimet në kohë reale në Aeroportin Ndërkombëtar të Tiranës

 

• TIA vazhdimisht përmirëson shërbimet e ofruara
• Informacion akoma më i detajuar në faqen e internetit të TIA-s

Duke filuar nga data 1 dhjetor, informacioni në kohë reale mbi fluturimet, në faqen e internetit të Aeroportit Ndërkombëtar të Tiranës (TIA), është i lidhur direkt me sistemin e automatizuar të aeroportit. Gjatë kësaj kohe, TIA ka testuar mbarëvajtjen e këtyre zhvillimeve, për t’u ofruar pasagjerëve të saj informacionin më të saktë të mundur.

Ndryshimet në fluturime, vonesa dhe anullime, reflektohen tashmë menjëherë on-line për të gjithë pasagjerët dhe për personat e interesuar mbi këto informacione. Kështu pasagjerët që udhëtojnë nëpërmjet TIA-s tani mund të shikojnë në faqen e internetit nëse ka pasur ndonjë ndryshim të minutës së fundit për fluturimin e tyre, para se të nisen për në aeroport. Gjithashtu, ata të cilët presin pasagjerët në mbërritje në TIA, kanë mundësinë për të kontrolluar on-line para se të nisen për në aeroport, kur pritet të ulet avioni, nëse ka vonesë apo edhe në disa raste anullime.

“Marrja e informacionit të përditësuar është vendimtare për pasagjerët dhe familjen apo miqtë e tyre. Kjo është arsyeja pse ne jemi të kënaqur që kemi mundësi të lehtësojmë sadopak jetën e të gjithë personave të cilët në njëfarë mënyre kanë lidhje me aeroportin, dhe për të ndihmuar pasagjerët tanë qoftë në udhëtime biznesi apo për pushime”, tha Drejtorja e Përgjithshme Ekzekutive e TIA-s, Znj. Andrea Gebbeken .

TIA është duke punuar vazhdimisht për ta bërë udhëtimin më të lehtë dhe më të sigurtë për pasagjerët e saj. Me këtë shërbim të përmirësuar, TIA rrit edhe më tej standardet e saj dhe në të njëjtën kohë u ofron klientëve dhe palëve të interesuara një shërbim akoma më të mirë. Tashmë informacioni i saktë në kohë reale mbi fluturimet mund të gjendet në faqen kryesore të internetit të TIA-s: www.tirana-airport.com

airport tirana1

Leave a Reply

Rezervo Bileten